Friuli, un popolo in pericolo

Ci stiamo avvicinando alla Pasqua, ma anche alla festa de “Patrie dal Friûl” (tre aprile). In preparazione a questa ricorrenza, il professore Angelo Floramo ha immaginato di arivare in... Paradiso e di intervistare don Francesco Placereani (detto: pre Checo), tornato alla casa del Padre circa trenta anni fa', dopo aver spesa la vita intera a favore del Friuli e della sua dignità. Ecco i punti centrali dell'intervista:

“Tignint cont che bielzà dal 1978 lui al publicave un inlervent fondamentâl e, magari cussì no, profetic dal titul "Friuli un popolo in pericolo", mi ven la gole di fâj une domande propit sul popul furlan: cemût che lu viôt lui, in dì di vuê, a cuasi trente agns dal so congjedâsi di cheste vite. "Indurmidît. Poiât. Confondût. Masse saceât. Incjocât di pan. Mi pâr un mieç disastri, sedi inte societât, che intal cjamp de culture. No stin a fevelâ po di politiche o di glesie, che se no pe rabie tu mi fasis blestemâ. O ai simpri scombatût par une Glesie che e sedi pastorâl. Buine di pensâle cul so cjâf, libare finalmentri di ogni sotanance al podê. Une Glesie che e fòs braurose dai siei piçui plui che dai grandonons di chei altris. Braurose de sô storie, impastade cu la fadie e la pietât di chei che no vevin nuie, nancje la vôs, ma che la cjalavin propit tai siei rituâi antîcs, te maravee de bielece di une storie, chê Patriarcjâl di Aquilee, seconde a di nissun. No plui impuartante, ma nancje mancul interessante di chê di chei altris popui. Ma ce pretindistu di un c1ericât di palaç o di sagristie, une burocrazie di predis che e gjolt dome di no impaçâsi? Sodisfate se e rive a tirâ sù cualchi carantan par un funerâl, par un batisim, par un invît a gnocis? Sù mo frut, no stà a stiçâ i tabars che a 'nd ai une fote... Chei pôcs che ancjemò a crodin e a scombatin a son simpri di mancul. Isolâts, emargjinâts, no scoltâts. Ju cognòs ben, un par un. O puès dî che ju ai cressûts jo. Jo, il trist mestri, come che la gjerarchie mi à simpri clamât. Ma come un pari o soi braurôs, disint che lôr - chei pôcs di lôr - a fasin un bon lavôr. Ma di chê fabriche dai predis (il 'seminari), come che al diseve pre Toni, ce vegnial mai fûr cumò? Ce gjenerazion di impleâts ben rifinîts e educâts stino fabricant? Predis o funzionaris? Fantat, o crôt che la Glesie in Friûl e vedi fat un pas indaûr di une trentine di agns. Di chi, in alt, dal Paradîs, cjale il Friûl, chê tiere sflandorose, siore di secui di intersezions, di miscliçaments, di lenghis, identitâts, dius e preieris. Aquilee no divideve, ma e impastave dut intune malte benedete. Un Patriarcjât di muredôrs furlans! Par chest, a la fin le àn brincade e sdrumade. Visiti ben: 1751. Un delit. Podìno permetisi di butâ vie tant aur par un boçut di asêt?”

(da Patrie dal Friûl)